Një komision i posaçëm i Prokurorisë së Lartë Publike në Beograd ka nisur shqyrtimin e vendimeve dhe procedurave skandaloze që çuan në mosdërgimin në paraburgim të Milan Radoiçiqit, organizatorit të sulmit terrorist në Banjskë, raporton mediumi serb Nova.rs.
Hetimi i brendshëm po fokusohet te mënyra se si prokurori i rastit përgatiti terrenin ligjor që Radoiçiq të lirohej menjëherë, pavarësisht peshës ekstreme të veprave penale dhe pranimit publik të fajësisë për sulmin e armatosur.
"Hilja" ligjore e prokurorit për ta lënë të lirë
Sipas të dhënave të publikuara, skema e shpëtimit të Radoiçiqit nga qelia qëndronte pikërisht te formulimi i vetë kërkesës së prokurorisë:
U përmend vetëm një pikë e dobët: Prokurori kishte kërkuar paraburgim duke përdorur ekskluzivisht arsyetimin se "ekziston rreziku i ikjes".
U fshehën arsyet kyçe: Qëllimisht nuk u përmendën asnjë nga tri bazat kryesore ligjore që do ta bënin paraburgimin absolutisht të pashmangshëm: rreziku i përsëritjes së veprës penale, ndikimi te dëshmitarët dhe cenimi i drejtpërdrejtë i sigurisë publike.
Kjo mangësi e qëllimshme i dha hapësirë Gjykatës së Lartë në Beograd të arsyetonte lirimin e tij, duke pretenduar se dorëzimi vullnetar dhe dorëzimi i pasaportës mjaftonin për të garantuar praninë e tij në hetime. Në vend të qelisë, ndaj tij u vendos vetëm masa formale e paraqitjes në polici.
Endet i lirë dhe merr pjesë në fushata politike
Milan Radoiçiq, ish-nënkryetar i Listës Serbe, mori përgjegjësinë e plotë për sulmin terrorist të 24 shtatorit 2023 në Banjskë të Zveçanit, ku u vra heroi i Kosovës, rreshteri Afrim Bunjaku. Pavarësisht provave dërrmuese dhe kërkesave të vazhdueshme ndërkombëtare, Serbia nuk ka ngritur ende asnjë aktakuzë zyrtare ndaj tij.
Për më tepër, Radoiçiqi vazhdon të lëvizë krejtësisht i paprekur, duke u shfaqur hapur në tubime politike dhe në fushatën për zgjedhjet e 25 tetorit në përkrahje të Aleksandar Vuçiqit.
#LajmiIFundit #MilanRadoicic #Banjske #Kosove #Serbi #Drejtësi #Terrorizëm #AfrimBunjaku #Skandal #QeshPakTV #Lajme
Publikuar:
