Ish-shefi i stafit të ish-presidentit Hashim Thaçi, Bekim Çollaku, ka zbuluar për herë të parë prapaskenat dhe dakordimin e arritur me Gjykatën Speciale për mënyrën se si u realizua vetëdorëzimi i Thaçit te misioni i EULEX-it në nëntor të vitit 2020.
Çollaku ka sqaruar se largimi i ish-presidentit drejt Hagës nuk kishte qenë arrestim klasik me operacione policore, por një vetëdorëzim i koordinuar me kujdes për të ruajtur dinjitetin institucional të Presidencës.
Marrëveshja me Specialen: Largimi pa bujë policore
Sipas Çollakut, mes stafit të Presidencës dhe Dhomave të Specializuara ishte arritur një ujdi e prerë që në momentin e largimit të Thaçit nga zyra të mos kishte prani të shtuar policore apo skena spektakolare:
„Po e zbuloj për herë të parë dakordimin me stafin e Gjykatës Speciale, që të ketë vetëm një makinë me targa civile, me një apo dy pjesëtarë të stafit të Gjykatës Speciale, të cilët kanë qenë të obliguar t’i paraprijnë makinës së presidentit Thaçi, ku ai është vetëdorëzuar.“
Informacioni paraprak: „E dinim para se të vinte shefi i EULEX-it“
Ish-shefi i stafit ka rrëfyer se konfirmimi i aktakuzës më 4 nëntor 2020 nuk i kishte gjetur të papërgatitur. Ai dhe vetë presidenti Thaçi kishin marrë informacione paraprake për vendimin e gjykatës ende pa mbërritur zyrtarisht shefi i EULEX-it për t'ia komunikuar lajmin:
Sinjalet e para: Mënyra se si ishte publikuar fillimisht aktakuza ua kishte bërë të qartë se procesi dhe përballja në Hagë ishin tashmë punë e kryer.
Vetëkontrolli: Kjo parapërgatitje bëri që momenti i komunikimit zyrtar të kalohej pa befasi apo panik.
Nata e fundit me Kadri Veselin dhe lotët në Presidencë
Çollaku ka përshkruar edhe orët dramatike mes 4 dhe 5 nëntorit 2020, para se Thaçi të jepte dorëheqje nga posti i Presidentit dhe të nisej drejt Hagës:
Gjakftohtësia në orët e vona: Çollaku ka treguar se kishte qëndruar në zyrë deri në orët e para të mëngjesit të 5 nëntorit bashkë me Hashim Thaçin dhe Kadri Veselin: „Ishte e habitshme qetësia. Një përmbajtje absolute, gjakftohtësi e ruajtje e racionalitetit në mendime për atë se si duhet ecur tutje.“
Momenti i ndarjes: Ndërkohë që Thaçi kishte ruajtur qetësinë deri në fund, për stafin dhe bashkëpunëtorët në Presidencë largimi i tij kishte qenë tejet i rëndë emocionalisht, ku shumë prej tyre – përfshirë edhe vetë Çollakun – nuk kishin arritur t'i mbanin lotët pas largimit të tij.
#HashimThaçi #BekimÇollaku #KadriVeseli #GjykataSpeciale #Haga #UÇK #Presidenca #Kosovë #Lajme #LajmiIFundit #QeshPakTV #QeshPak
Publikuar:
