Për herë të parë jashtë territorit të saj: Suedia konfiskon pasuri kriminale në Kosovë – arrestohet i dyshuari A.G.
Bashkëpunimi ndërshtetëror në luftën kundër krimit të organizuar ka shënuar një sukses kyç: Prokuroria Speciale e Kosovës dhe drejtësia suedeze kanë goditur një rrjet të trafikimit me drogë dhe pastrimit të parave, duke vënë në pranga personin me inicialet A.G. dhe bllokuar pasuritë e tij.
Rasti shënon një zhvillim të rëndësishëm në jurisprudencën suedeze, duke shërbyer si rasti i parë ku shteti skandinav arrin të sekuestrojë asete jashtë territorit të vet.
Me përfundimin e procedurave gjyqësore në Suedi, ekzekutimi i konfiskimit të pasurive në Kosovë do të bëhet përmes Zyrës për Rikthimin e Aseteve pranë Kryeprokurorit të Shtetit. Prokuroria theksoi se ky partneritet mbetet një model i qartë se asetet me origjinë kriminale do të ndiqen dhe sekuestrohen pavarësisht vendndodhjes së tyre gjeografike.
#LajmiIFundit #Kosovë #Suedi #ProkuroriaSpeciale #Drejtësi #KonfiskimPasurie #ShpëlarjeParash #Aktualitet #BreakingNewsKosovo
Publikuar:
