Në Klinikën e Onkologjisë në Qendrën Klinike Universitare të Kosovës (QKUK) ka nisur zyrtarisht zbatimi i një prej metodave më të avancuara të radioterapisë bashkëkohore, teknikës SBRT (Stereotactic Body Radiation Therapy), përmes akseleratorit linear modern Elekta Versa HD.
Ky hap shënon një përparim thelbësor në trajtimin e pacientëve me sëmundje malinje brenda sistemit shëndetësor publik, duke sjellë standarde të larta ndërkombëtare të kujdesit mjekësor në vend.
Përfitimet kryesore për pacientët:
Preçizion i lartë mjekësor: Teknika SBRT mundëson goditjen e saktë të qelizave tumorale me doza të larta rrezatimi, duke minimizuar dëmtimin e indeve dhe organeve përreth.
Më pak seanca trajtimi: Për rastet e përshtatshme klinike, ky trajtim redukton ndjeshëm numrin e seancave të nevojshme të radioterapisë, duke ua lehtësuar barrën fizike dhe psikologjike pacientëve.
Përgatitje profesionale e stafit: Krahas investimit në aparaturë me teknologji të fundit, stafi mjekësor – përfshirë onkologët radioterapeutë, fizikanët mjekësorë dhe teknikët e radioterapisë – i është nënshtruar trajnimeve profesionale për përdorimin e këtij sistemi.
Njoftimi për këtë arritje përkon edhe me Ditën Ndërkombëtare të Fizikës Mjekësore, ku u vlerësua përkushtimi i ekipeve të specializuara që garantojnë funksionimin e pajisjeve dhe sigurinë e dozave për pacientët, me zotimin se investimet në modernizimin e shërbimeve onkologjike publike do të vijojnë.
#QKUK #Onkologji #Radioterapi #SBRT #ElektaVersaHD #Shëndetësia #Kosovë #TrajtimiIKancerit #TeknologjiMjekësore #Aktualitet #LajmiIFundit #Lajme
Publikuar:
