Përballë refuzimit të vazhdueshëm dhe shkatërrimit të karrigeve të drurit nga protestuesit ditët e kaluara, Kryeministri Edi Rama ka ndryshuar taktikë, duke vendosur një tryezë masive dhe stola prej guri përpara godinës së Kryeministrisë. Me letrat ku shkruhet “Dialog” të vendosura mbi këtë instalacion, kreu i qeverisë ka përsëritur sërish thirrjen e tij për të rinjtë dhe studentët që të ulen në bisedime për të gjetur një zgjidhje.
Kjo lëvizje vjen pas përshkallëzimit të protestave, ku ftesat e mëparshme simbolike me stola dhe karrige druri u përballën me zemërimin e të rinjve, të cilët i thyen dhe i dogjën ato, duke u përgjigjur me thirrjet: "Nuk ka dialog!". Sipas zhvillimeve të fundit, protestuesit mbeten të palëkundur në qëndrimin e tyre, duke refuzuar kategorikisht çdo negociatë në kushtet aktuale dhe duke e vendosur theksin te kërkesa e tyre e panegociueshme: dorëheqja e kryeministrit.
Publikuar:
