Përfaqësuesja e Kosovës në hendboll për vajza ka siguruar kalimin në fazën e fundit kualifikuese të Kampionatit Botëror 2027, duke shënuar kështu arritjen e tretë radhazi në këtë nivel.
Kualifikimi u vulos falë fitores së thellë 39:22 të premten mbrëma në Pallatin e Rinisë dhe Sporteve në Prishtinë. Avantazhi i krijuar prej 17 golash i mjaftoi "Dardaneve" për të avancuar, pavarësisht humbjes së ngushtë 27:25 ndaj Estonisë në ndeshjen e dytë të shtunën.
Sfida e dytë nisi e ekuilibruar, me pjesën e parë që u mbyll 14:14. Ndonëse estonezet krijuan një epërsi prej pesë golash deri në minutën e 50-të, Kosova reagoi me një mbrojtje më të fortë dhe efikasitet në sulm për të ngushtuar diferencën, duke mos e vënë në rrezik kualifikimin në asnjë moment.
Ky sukses është i pari i këtij niveli për përzgjedhësin kroat Nenad Shoshtariq. Ai i kaloi me sukses këto dy prova të vërteta, pasi kishte drejtuar më parë një ekip të rinovuar në Lojërat Mesdhetare.
Publikuar:
