PAK HUMOR. SHUMË ZHURMË.
22.11.2026

Përurohet „One Stop Shop“ në Qafë Thanë: Ja çka ndryshon!

◉ 4 lexime
Përurohet „One Stop Shop“ në Qafë Thanë: Ja çka ndryshon!

EDI RAMA DHE HRISTIJAN MICKOSKI PËRUROJNË „ONE STOP SHOP“ NË QAFË THANË: HIQET KONTROLLI I DYFISHTË MES SHQIPËRISË DHE MAQEDONISË SË VERIUT!

Kryeministri i Republikës së Shqipërisë, Edi Rama, dhe kryeministri i Maqedonisë së Veriut, Hristijan Mickoski, kanë inauguruar sot, më 22 nëntor, sistemin e përbashkët kufitar „One Stop Shop“ në pikën kufitare të Qafë Thanës.

Ky sistem i ri synon të eliminojë pritjet e gjata në kufi, duke mundësuar që procedurat e kontrollit kufitar dhe doganor për qytetarët dhe mallrat të kryhen në një pikë të vetme ndalimi.

Deklaratat e dy kryeministrave gjatë ceremonisë së përurimit në Qafë Thanë:

– Hristijan Mickoski: „One Stop Shop do të lehtësojë lëvizjen dhe ndërlidhjen mes dy vendeve. Do të përforcojë lidhjet dhe të gjitha pikat, si dhe bashkëpunimin në fushën e turizmit“, theksoi kryeministri i Maqedonisë së Veriut, duke vënë në pah rëndësinë ekonomike dhe tregtare të këtij lehtësimi kufitar.

– Edi Rama: „Deri më tani në këtë doganë ishim ‘kontrollo – kontrollo’, ndërsa tani jemi ‘kontrollo dhe beso’“, deklaroi kryeministri i Shqipërisë, duke vlerësuar rritjen e besimit të ndërsjellë institucional dhe shkurtimin e burokracive në kufi.

#QafëThanë #EdiRama #HristijanMickoski #Shqipëria #MaqedoniaEVeriut #OneStopShop #Aktualitet #LajmiIFundit #Lajme

Publikuar:

Raporto një gabim

Na trego çfarë duhet korrigjuar në këtë lajm. Mesazhi shihet vetëm në panelin e redaksisë. Mos përfshi të dhëna personale.