Ndryshime të rëndësishme strukturore kanë nisur brenda kupolës drejtuese të Policisë së Kosovës. Nga dita e sotme, Veton Elshani merr zyrtarisht drejtimin e Departamentit Kufitar.
Elshani, i cili deri më tani shërbente si zëvendëskomandant i Policisë së Kosovës për Rajonin e Veriut dhe ishte një nga figurat më të ekspozuara në menaxhimin e situatës së sigurisë atje, do të transferohet në krye të menaxhimit të kufijve shtetërorë.
Efekti zinxhir pas dorëheqjes së Drejtorit të Përgjithshëm
Këto rokadë dhe riformatime në zinxhirin komandues vijnë menjëherë pas largimit të Gazmend Hoxhës nga posti i Drejtorit të Përgjithshëm të Policisë së Kosovës. Hoxha dha dorëheqjen nga detyra pas tronditjes së opinionit publik nga rasti tragjik i vrasjes së Arlinda Zekajt.
Lëvizja e Elshanit në krye të Kufirit shënon fillimin e një vale riformatimi të brendshëm në pozitat kyçe drejtuese të institucionit më të lartë të sigurisë në vend.
#LajmiIFundit #PoliciaEKosoves #VetonElshani #GazmendHoxha #Kufiri #Siguria #Kosove #QeshPakTV #Lajme
Publikuar:
