Një rast i rëndë i rrezikimit të sigurisë në komunikacion është zbardhur nga Policia Rajonale në Ferizaj, pasi përmes monitorimit në rrjetet sociale u evidentua një video ku një veturë lëvizte me shpejtësi marramendëse në zonë urbane.
Bëhet fjalë për një 19-vjeçar, i cili drejtonte një veturë të tipit BMW me targa vendore në rrugën e frekuentuar “Vëllezërit Gërvalla” në Ferizaj. Në këtë aks rrugor, ku kufiri maksimal i shpejtësisë është i përcaktuar me shenjë në 40 km/h, i riu po qarkullonte me plot 170 km/h — mbi katërfishin e normës së lejuar.
Pa patentë shoferi dhe ballë për ballë me gjykatën
Përveç rrezikimit të jetës së këmbësorëve dhe pjesëmarrësve të tjerë në trafik, policia zbuloi shkelje të tjera të rënda:
Mungesa e lejes: Gjatë procedurave të verifikimit rezultoi se 19-vjeçari nuk posedonte fare patentë shoferi.
Pranimi i fajit: I riu është shoqëruar në stacionin policor, ku gjatë marrjes në pyetje e ka pranuar autorësinë e drejtimit të veturës në momentin kur u regjistrua videoja e publikuar në rrjete sociale.
Procedura ligjore: Ndaj tij janë ndërmarrë masat e parapara me ligj dhe rasti është iniciuar si fletëparaqitje për kundërvajtje në Gjykatën Themelore.
Policia e Kosovës ka apeluar sërish tek të gjithë ngasësit, e veçanërisht tek shoferët e rinj, që të respektojnë rregullat dhe kufizimet e shpejtësisë, duke paralajmëruar tolerancë zero ndaj sjelljeve që rrezikojnë jetën e qytetarëve.
#LajmiIFundit #Ferizaj #PoliciaEKosoves #SiguriaNeTrafik #BMW #Kundervajtje #Kronika #QeshPakTV #Lajme
Publikuar:
