Gjatë një tubimi me mbështetësit e tij në Sioux City të Iowa-s, Donald Trump ka bërë sërish bujë me pretendimet e tij se mund të kërkojë një mandat të tretë presidencial, pavarësisht se një gjë e tillë ndalohet shprehimisht nga Kushtetuta e Shteteve të Bashkuara.
Duke iu drejtuar turmës, Trump u shpreh me humor se nuk është plotësisht i sigurt rreth dispozitave ligjore, por theksoi se sipas tij ekziston një e drejtë për rikandidim.
Megjithëse ai pranoi ekzistencën e Amendamentit të 22-të – i cili kufizon numrin e mandateve presidenciale në dy – Trump i është rikthyer pretendimeve të tij të mëparshme, duke aluduar se rezultati i zgjedhjeve të vitit 2020 i dha atij të drejtën për një mandat shtesë.
Kjo nuk është hera e parë që ish-presidenti amerikan ngre një çështje të tillë. Që nga viti i kaluar, ai ka përmendur në disa raste publike dëshirën e tij për të sfiduar kufizimet kushtetuese nëse i jepet mundësia, duke vazhduar të mobilizojë bazën e tij të gjerë të mbështetësve drejt sfidave të ardhshme politike në SHBA.
Publikuar:
