Në qendrat e votimit 22, 25, 27 dhe 32 në Dolevac të Serbisë janë regjistruar përleshje të dhunshme, ku një grup prej rreth 30 personash ka sulmuar fizikisht dhe verbalisht anëtarët e komisioneve zgjedhore.
Grupi Joformal i Studentëve nga Nishi dhe avokatja Dragana Milutinoviq kanë ngritur alarmin se këto incidente po rrezikojnë mbarëvajtjen e zgjedhjeve. Ndonëse policia u lajmërua dhe mbërriti në vendngjarje, efektivët mbetën jashtë qendrave të votimit. Ata deklaruan se nuk mund të ndërhynin brenda ambienteve pa një kërkesë zyrtare nga kryetarët e këshillave zgjedhorë.
Të pranishmit në vendngjarje, përfshirë avokatë dhe studentë, po i bëjnë thirrje urgjente autoriteteve që të marrin masat e nevojshme për të rivendosur rendin, për të mbrojtur komisionerët dhe për të garantuar të drejtën e votës për qytetarët.
Publikuar:
