Kryeparlamentarja e Kosovës, Albulena Haxhiu, ka nisur vizitën e saj zyrtare në Maqedoninë e Veriut me një takim me homologun e saj, Afrim Gashi. Diskutimet u fokusuan në thellimin e marrëdhënieve ndërshtetërore dhe forcimin e bashkëpunimit ndërparlamentar për të çuar përpara raportet mes dy vendeve.
Haxhiu nënvizoi nevojën për mbështetje të gjerë parlamentare që përfshin shumicën dhe opozitën. Të dy kryeparlamentarët trajtuan mundësitë e zgjerimit të bashkëpunimit përmes komisioneve dhe grupeve të miqësisë, si dhe rëndësinë e mbikëqyrjes së zbatimit të marrëveshjeve dypalëshe nga ana e kuvendeve për të sjellë përfitime konkrete për qytetarët.
Gjatë takimit, Haxhiu shprehu falënderime për mbështetjen e vazhdueshme të Maqedonisë së Veriut ndaj Kosovës në organizatat ndërkombëtare. Biseda u përmbyll me theksin te bashkërendimi i përpjekjeve në forumet parlamentare ndërkombëtare dhe rrugëtimi i përbashkët i të dy shteteve drejt integrimit evropian.
Publikuar:
